RSE und du? Mir sueched en neue Tambi/Dirigent ab Saison 2019/20
12.03.2019
Lust amene glatte Huufe zzeige wos dure gaht? Dänn schränz doch nächst Jahr eifach mit.
Um das gohts
- Probe vo Oktober bis Mitti Februar vorbereite und mit enere Prise Humor leite
- a de Fasnacht zmitzt drin statt nur debii sii und eusi Uftritt dirigiere
- mitbestimme, wohi eusi musikalisch Reis sell gah
Das chönd mir dir büüte
- e neui Useforderig imene lockere Umfeld
- motivierti Hobby-Musiker ufemene sehr passable Niveau
- Teil vomene spassige und engagierte Huufe mit eme super Zämehalt werde
Das bringsch du mit
- solidi Musigkenntnis us enere Harmonie oder ähnliches
- de Drive, üüs öppis biizbringe
- Motivation zum mit eus dBühni rocke und Teil vome grosse Ganze zwerde
- Verständnis, wänn au mal öppis aberverheit – mir sind immer na e Gugge
