Gesucht: Hörnli und Sousaphonistä ab Saison 19/20
07.08.2019
Mitmache statt zueluege. Au im Summer no Konfetti dehei finde. Und Teil vome ufgstellte Trupp werde. Tönt spannend? Dänn mach doch mit.
Um das gohts
Mir sueched motivierti Fasnächtler ufem Horn und Sousaphone für die kommend füft Jahresziit. Egal ob mit oder ohni musikalischer Erfahrig – bi eus bisch du willkomme.
Eusi Probesaison startet ab Oktober jede Mittwuch. Richtig los leged mer dänn vo Januar bis März mit rund 15 Uftritt a de Fasnacht i de Region Linthgebiet und wiit drüber use. Details findsch unter Termine
Das chönd mir dir büüte
En ufgstellte Huufe voller iigfleischte Fasnächtler. Unvergässlichi Erläbniss scho ab Saison 19/20. E neui Userforderig. Und ganz viel Farb im graue Winteralltag.
Das bringsch du mit
Freud a de Fasnacht, en lockere Umgang, Motivation öppis neus z lerne. Und am beste e gueti Prisä Humor.
